masterdream
fannacht seach ik
de âlde master
mei syn frou
it wie yn soks as
in teater, bioskoop,
in grut gebou
hy hie noch deselde jas,
en in pet op,
sy in nuver huodsje
dat hie hy eartiids nea,
in pet -no... soms, yn maart-
sy trouwens ek net in hoed
(sels net yn maart)
se wiene in stik grizer,
lytser ek en yn swart-wyt
se stapten yn ‘e lift
tusken allegear oaren
dy’t ik nét koe
ik hie net it idee dat hja
my seagen
of se woene my net sjen,
hie ik wat ferkeards dien?
faaks wit ik moarn mear
©hn-0717a
Dit fers is skreaun nei oanlieding fan in moarnsbetide dream..
Geen opmerkingen:
Een reactie posten